Bakıda 45 yaşlı kişiyə naməlum şəraitdə bir neçə bıçaq zərbəsi vurulub

Bakı. 7 oktyabr. REPORT.AZ/ Bakıda 45 yaşlı kişiyə naməlum şəraitdə bir neçə bıçaq zərbəsi vurulub.

"Report" xəbər verir ki, bıçaqlanma hadisəsi Nərimanov rayonunda qeydə alınıb.

Belə ki, 45 yaşlı Cabbarov Valeh Rəhbər oğlu tanımadığı şəxs tərəfindən naməlum şəraitdə bir neçə bıçaq xəsarəti alıb. O, ağır vəziyyətdə xəstəxanaya yerləşdirilib. Həkimlər onun vəziyyətini ağır kimi qiymətləndirir.

Faktla bağlı Nərimanov Rayon Polis İdarəsinin 18-ci Polis Bölməsi tərəfindən araşdırma aparılır.