Bakıda 29 yaşlı gənci avtomobil vurdu

Bakıda piyadanın xəsarət alması ilə nəticələnən yol-nəqliyyat hadisəsi baş verib.

“Report”un məlumatına görə, hadisə Xətai rayonunda qeydə alınıb.

Minik avtomobili yolu keçən piyada, 1991-ci il təvəlludlü Məmmədov Şahmar Nurəddin oğlunu vurub.

Yaralı xəstəxanaya çatdırılıb və müayinə zamanı ona qapalı kəllə-beyin travması diaqnozu qoyulub.

Faktla bağlı araşdırma aparılır.

Ramin Şahbazov