Bakıda 250 min manatlıq dələduzluq etməkdə təqsirləndirilən şəxsə hökm oxunub

Bakıda vətəndaşa özünü vəzifəli şəxs kimi təqdim edərək külli miqdarda dələduzluq etməkdə təqsirləndirilən Sərvər Məsimova hökm oxunub və o, 7 il 4 gün müddətinə azadlıqdan məhrum edilib.

"Report" xəbər verir ki, bu barədə hökm Bakı Ağır Cinayətlər Məhkəməsinin hakimi Eldar İsmayılovun sədrliyi ilə keçirilən prosesdə elan olunub.

Qeyd edək ki, S.Məsimov vətəndaşa məhkəmədəki hökmü dəyişdirəcəyi ilə bağlı yalan vəd verərək onun 250 min manat pulunu ələ keçirib.

S.Məsimov hüquq-mühafizə orqanlarının əməkdaşları tərəfindən saxlanılıb.

Onun barəsində Cinayət Məcəlləsinin 178.3.2-ci (külli miqdarda dələduzluq törətmək) maddəsi ilə ittiham elan olunub.