Yuxarı

Bakıda 24 yaşlı qız dəm qazından boğularaq ölüb

Nərmin Əzizovanı hamamda huşsuz vəziyyətdə aşkar ediblər

Bakı. 11 dekabr. REPORT.AZ/ Bakıda 24 yaşlı qız dəm qazından boğularaq ölüb. "Report" Fövqəladə Hallar Nazirliyinin rəsmi saytına istinadən xəbər verir ki, Bakı şəhərinin Nərimanov rayonunda 1991-cı il təvəllüdlü Əzizova Nərmin Rəhim qızı mənzildə bağlı qapı arxasında köməksiz vəziyyətdə qalıb.

Nazirliyin Xüsusi Riskli Xilasetmə Xidmətinin xilasediciləri hadisə yerinə cəlb olunaraq mənzilə baxış keçirərkən onu hamamda huşsuz vəziyyətdə aşkar ediblər.

Hadisə yerinə çağırılan Təcili Tibbi Yardım Stansiyasının həkimləri tərəfindən aparılan ilkin müayinə zamanı N.Əzizovanın dəm qazından vəfat etdiyi müəyyən olunub. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi