Yuxarı
    Bağlamaq

    Bakıda 20 yeniyetmə qəlyan çəkdiyinə görə saxlanıb

    Yetkinlik yaşına çatmayan 3 nəfərin isə kafe və çay evlərində ofisiant kimi işlədildiyi müəyyənləşib

    Bakı. 14 iyul. REPORT.AZ/ Bakıda yetkinlik yaşına çatmayan 20 şəxs qəlyan çəkdiklərinə görə saxlanılıb.

    Bu barədə “Report”a Bakı Şəhər Baş Polis İdarəsindən məlumat verib.

    Məlumatda bildirilir ki, Bakı Şəhər Baş Polis İdarəsinin aidiyyəti xidmətlərinin əməkdaşları tərəfindən paytaxtın Səbail, Nərimanov, Binəqədi, Nəsimi və Yasamal rayonlarının ərazisində fəaliyyət göstərən çay evlərində və digər iaşə obyektlərində azyaşlıların qəlyandan istifadə etmələrinin və digər zərərli vərdişlərə qurşanmalarının yoxlanılması məqsədilə vaxtaşırı olaraq reydlər keçirilir.

    Əməliyyat və profilaktiki tədbirlər nəticəsində ümumilikdə adları çəkilən rayonlardakı ayrı-ayrı obyektlərdə yetkinlik yaşına çatmayan 20 şəxs qəlyan çəkən zaman müəyyən edilərək saxlanılıb. Hüquqazidd əməllərə yol verən şəxslər barəsində qanunvericiliyə uyğun müvafiq tədbirlər görüləcək.

    Bundan əlavə, yetkinlik yaşına çatmayan 3 nəfərin Binəqədi və Nəsimi rayonlarında fəaliyyət göstərən kafe və çay evlərində ofisiant kimi işlədilməsi də müəyyən edilib.

    Göstərilən istiqamətdə əməliyyat və profilaktiki tədbirlər davam etdirilir.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi