Bakı. 27 oktyabr. REPORT.AZ/ Bakıda müxtəlif mənzillərdə üzərində zorakılıq əlamətləri olmayan 2 kişi meyiti tapılıb.
"Report"un məlumatına görə, hər iki hadisə Yasamal rayonu ərazisində qeydə alınıb.
Belə ki, rayonun Mikayıl Müşviq küçəsi ev 13/15 mənzil 66-da yaşayan 1940-cı il təvəllüdlü Əmirçoban Ağayevin yaşadığı evdə üzərində zoraklıq əlamətləri görünməyən meyiti aşkar olunub.
Digər bir kişi meyiti isə rayonun Müzəffər Hüseynov küçəsində tapılıb. Belə ki, ev 1-in qarşısında 50-55 yaşlarında olan naməlum kişi meyiti aşkar edilib.
Meyitlər aidiyyəti üzrə Məhkəmə Tibbi Ekspertiza və Patoloji Anatomiya Birliyinə təhvil verilib.
Hər iki faktla bağlı Yasamal Rayon Prokurorluğunda araşdırma aparılır.