Bakı. 19 yanvar. REPORT.AZ/ Bakıda 100 min manatlıq xəz gödəkçə dələduzluq yolu ilə alınıb.
"Report"un xəbərinə görə, hadisə Nizami rayonunda baş verib.
Belə ki, Bakı şəhər sakini 1973-cü il təvəllüdlü Abbasov Saleh Xudu oğlu hüquq-mühafizə orqanlarına müraciət edərək ona qarşı dələduzluq edildiyini bildirib. O qeyd edib ki, 1991-ci il təvəllüdlü Kərimov Asif Murad oğlu 2009-cu ildə ondan 100 000 manatlıq xəz gödəkçəni alıb, lakin pulunu verməyib.
Faktla bağlı Nizami Rayon Polis İdarəsində araşdırma aparılır.