Bakıda itkin düşmüş uşaq “Play station” oyun salonunda tapılıb - YENİLƏNİB

Bakıda itkin düşmüş 10 yaşlı uşaq tapılıb. 

Bu barədə "Report"a Daxili İşlər Nazirliyinin Mətbuat Xidmətinin rəisi Elşad Hacıyev bildirib.

"Paytaxtın Xətai rayonunda itkin düşmüş kimi axtarışı elan olunan məktəbli polis əməkdaşları tərəfindən “Play station” oyun salonunda tapılıb. Onun itkin düşməsində kriminal tərkib yoxdur", - o qeyd edib.

Bakıda 10 yaşlı uşaq itkin düşüb.

Bu barədə “Report”a onun yaxınları məlumat veriblər. Onların sözlərinə görə, 2015-ci il təvəllüdlü Əlizadə Ayxan Zəfər oğlu bu gün evdən çıxıb və geri qayıtmayıb. Məlumata görə, onu son dəfə Sarayevo küçəsi yaxınlığında görüblər.

A.Əlizadəni görənlərdən və ya onun barədə məlumatı olanlardan 077-733-05-05 nömrəli telefona zəng etmələri xahiş olunur.