Bakıda bir ailənin üç üzvü dəm qazından zəhərlənib

Bakı. 11 noyabr. REPORT.AZ/ Qaradağ rayonunda bir ailənin 3 üzvü dəm qazından zəhərlənib.

"Report" xəbər verir ki, hadisə rayonun Müşviqabad qəsəbəsi, ev 4 A ünvanında baş verib. 

Belə ki, 1992-ci il təvvəllüdlü Xalidə Əhmədova, onun qızı, 2012-ci il təvəllüdlü Məleykə Əhmədova və X.Əhmədovanın bacısı 18 yaşlı Şəfaqət Məsiyeva evdə dəm qazından zəhərlənib.

Hər üç şəxs 1 saylı Şəhər Klinik Xəstəxanasına yerləşdirilib. Həkimlər onların vəziyyətini orta-ağır kimi qiymətləndiriblər. 

Faktla bağlı araşdırma aparılır.