Yuxarı

​Bakı-Şamaxı-Yevlax magistralında sürüşmə yenidən aktivləşib - FOTO

“Azəravtoyol” tərəfindən ərazidə növbətçi işçi qüvvəsi yaradılıb və sürüşmə zonası diqqətdə saxlanılır

Şamaxı. 3 iyun. REPORT.AZ/ Bakı-Şamaxı-Yevlax avtomobil yolunun 107-ci kilometrliyində sürüşmə yenidən aktivləşib.

“Report”un Aran bürosu xəbər verir ki, son günlər yağan yağışlardan sonra ərazidə təhlükəli vəziyyət yaranıb.

Belə ki, tonlarla torpaq qatı sürüşərək avtomobillərin intensiv hərəkət etdiyi yola tökülüb. Son bir həftədə torpaq sürşməsi və uçqunlar ardıcıl olaraq davam edir. Ərazinin sürüşməyə meylli olması təkrar uçqunların baş verməsi ilə nəticələnir.

Ötən gün axşam yolda təmizlik işləri aparılsa da, təkrar axıb gələn torpaq qatı avtomobillərin hərəkəti üçün maneələr yaradır. Həmin əraziyə ağır texnika və canlı qüvvə cəlb olunub, texnika yolun yamac hissəsində yığılıb qalan torpaq qatını təmizləyir. Bu səbəbdən “Azəravtoyol” Açıq Səhmdar Cəmiyyəti tərəfindən ərazidə növbətçi işçi qüvvəsi yaradılıb və sürüşmə zonası diqqətdə saxlanılır.

Hazırda yolda avtomobillərin hərəkəti üçün heç bir maneə yoxdur.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi