Bakı sakininin bank hesabından pul oğurlanıb

Bakı sakininin bank hesabından pul oğurlanıb Bakı sakininin bank hesabından pul oğurlayan şəxs tutulub.
Hadisə
146
17 Dekabr , 2021 13:01
Bakı sakininin bank hesabından pul oğurlanıb

Bakı sakininin bank hesabından pul oğurlayan şəxs tutulub.

Bu barədə "Report"a Daxili İşlər Nazirliyinin (DİN) Mətbuat Xidmətindən məlumat verilib.

Bildirilib ki, Nəsimi Rayon Polis İdarəsinin 21-ci Polis Bölməsinə dekabrın 5-də Bakı şəhər sakini S.Alxanovanın bank hesabından 2 500 manat pulunun oğurlanması barədə məlumat daxil olub.

Polis əməkdaşlarının keçirdikləri əməliyyat-axtarış tədbirləri nəticəsində oğurluq əməlini törətməkdə şübhəli bilinən Ağsu rayon sakini, əvvəllər məhkum olunmuş A.Bayramov müəyyən edilərək saxlanılıb.

Bundan başqa, Saatlı Rayon Polis Şöbəsinə Ş.Seyfullayevanın bank hesabından 130 manat pulunun oğurlanması barədə də məlumat daxil olub.

Polis əməkdaşlarının keçirdikləri əməliyyat-axtarış tədbirləri nəticəsində oğurluq əməlini törətməkdə şübhəli bilinən şəhər sakini Ş.Ağayev müəyyən edilərək saxlanılıb.

Hər iki faktla bağlı araşdırma aparılır.

Son xəbərlər

Orphus sistemi