Bakı polisi itkin düşmüş 19 yaşlı qızı tapıb

Bakı. 10 noyabr. REPORT.AZ/ Bakı polisi itkin düşmüş 19 yaşlı qızı tapıb. Bu barədə “Report”a Bakı Şəhər Baş Polis İdarəsinin mətbuat xidmətindən məlumat verilib.

Məlumata görə, Yasamal Rayon Polis İdarəsinin Cinayət Axtarış Şöbəsi, 27-ci Polis Bölməsi, Çevik Polis Alayı əməkdaşlarının keçirdiyi əməliyyat-axtarış tədbirləri nəticəsində itkin düşmüş 1996-cı il təvəllüdlü Nahidə Xasməmmədova tapılaraq ailəsinə təhvil verilib.