Bakı Ağır Cinayətlər Məhkəməsinin yeni sədri fəaliyyətə başlayıb

Bakı Ağır Cinayətlər Məhkəməsinin yeni sədri İsmayıl Xəlilov fəaliyyətə başlayıb.

Bu barədə "Report"a məhkəmədən məlumat verilib.

İ.Xəlilov, habelə sədrin yeni müavini Şəlalə Həsənova kollektivlə tanış olub.

Qeyd edək ki, daha əvvəl Bakı Ağır Cinayətlər Məhkəməsinin sədri Mahmud Nəbiyev idi. O, dekabrın 7-də vəfat edib. Dekabrın 29-da Prezident İlham Əliyevin imzaladığı sərəncama əsasən İsmayıl Xəlilov Bakı Ağır Cinayətlər Məhkəməsinin hakimi və sədri, Şəlalə Akif qızı Həsənova Bakı Ağır Cinayətlər Məhkəməsinin hakimi və sədrinin müavini təyin olunub.

Bu təyinatlara qədər İ.Xəlilov Ali Məhkəmənin hakimi, Ş.Həsənova isə Bakı İnzibati Məhkəməsinin hakimi idi.