"Bakı Abadlıq Xidməti"nə məxsus su nasosu və elektrik xəttləri oğurlanıb

Bakı. 13 yanvar. REPORT.AZ/ "Bakı Abadlıq Xidməti" MMC-yə məxsus su nasosu və elektrik xəttləri oğurlanıb.

"Report"un xəbərinə görə, hadisə Yeni Suraxanı qəsəbəsi ərazisində baş verib.

Belə ki, Heydər Əliyev prospekti, "Buta Palace" Sarayının yaxınlığında "Bakı Abadlıq Xidməti" MMC-yə məxsus 3 200 manat dəyərində su nasosu və 464 manatlıq 290 metr mis elektrik naqili oğurlanıb.

Faktla bağlı Suraxanı Rayon Polis İdarəsində araşdırma aparılır.