Babək sakini tapdığı silah-sursatı könüllü olaraq polisə verib

Bakı. 15 oktyabr. REPORT.AZ/ Babək rayon sakini tapdığı silah-sursatı könüllü olaraq rayon polis şöbəsinə təhvil verib.

“Report” xəbər verir ki, məlumatı Daxili İşlər Nazirliyinin rəsmi saytı yayıb. 

Belə ki, Babək rayonunun Nehrəm kənd sakini Ruslan Zeynalov tapdığı “TOZ-16” markalı tüfəngi, 3 ədəd “F-1” qumbarasını, “RQD-5” qumbarasını, 227 ədəd patronu və 4 ədəd avtomat darağını könüllü olaraq Rayon Polis Şöbəsinə təhvil verib.