Babək prospektində yol qəzası nəticəsində yaralananların şəxsiyyəti məlum olub - YENİLƏNİB

Bakının Babək prospekti, 94 ünvanında baş vermiş yol qəzasında yaralananların şəxsiyyəti məlum olub.

"Report" xəbər verir ki, bunlar 1991-ci il təvəllüdlü Əliyev Əkbər (döş qəfəsinin sınığı), 1996-cı il təvəllüdlü Sergeyevna Valentina (qapalı kəllə-beyin travması), 1986-cı il təvəllüdlü Nəsibov Kamran (bazunun sınığı), 1979-cu il təvəllüdlü Anatorseva Yuliyadır (qapalı kəllə-beyin travması, alt çənənin sınığı).

Yaralılardan ilk üçü III saylı Kliniki Tibbi Mərkəzə, sonuncu isə I saylı Kliniki Tibbi Mərkəzə yerləşdirilib.

***02:28

Bakının Nizami rayonu ərazisində xəsarətlə nəticələnən yol qəzası baş verib.

"Report" xəbər verir ki, Babək prospekti ilə hərəkətdə olan iki avtomobilin toqquşması nəticəsində 4 nəfər xəsarət alıb.

Yaralılar dərhal 1 saylı Kliniki Tibbi Mərkəzə gətirilib. Onlardan 2-sinin vəziyyətinin ağır olduğu bildirilir.