"Azərişıq" 5 000 manat cərimələndi

Dövlət Əmək Müfəttişliyi Xidməti "Azərişıq" Açıq Səhmdar Cəmiyyəti (ASC) barədə inzibati protokol tərtib edib.

"Report"un xəbərinə görə, Nəsimi Rayon Məhkəməsi protokola əsasən, “Azərişıq ASC”-nin 5 000 manat cərimə edilməsi barədə qərar çıxarıb.

Qurum İnzibati Xətalar Məcəlləsinin 469.2-ci (“İstehsalatda bədbəxt hadisələr və peşə xəstəlikləri nəticəsində peşə əmək qabiliyyətinin itirilməsi hallarından icbari sığorta haqqında” qanuna əsasən, müvafiq riskləri icbari qaydada sığorta etdirmək vəzifəsi müəyyən edilmiş fiziki və ya hüquqi şəxslər tərəfindən sığortaçı ilə icbari sığorta müqaviləsinin bağlanmamasına görə) maddəsi ilə təqsirli bilinib.

Qərardan verilmiş şikayətə Bakı Apellyasiya Məhkəməsində baxılır.