Azərbaycanlı gənc Rusiyada partlayışda ölüb

Azərbaycan vətəndaşı Rusiyada baş verən qaz partlayışı nəticəsində ölüb.

"Report"un Şimal-qərb bürosunun məlumatına görə, hadisə İnquşetiya Respublikasında qeydə alınıb.

Belə ki, Qəbələ rayonunun Məmmədağalı kənd sakini, 27 yaşlı İnqilab Nizami oğlu Yaralıyev qaz sızmasından baş verən partlayışda dünyasını dəyişib.

Qeyd edək ki, İ.Yaralıyev İquşetiyada mövsümü işlərlə məşğul olurdu.