Yuxarı

Azərbaycanda yük qatarı aşıb - FOTO

Hadisə Kürəkçay stansiyasının yaxınlığında baş verib

Bakı. 29 aprel. REPORT.AZ/ Bakı-Böyükkəsik dəmir yolu xəttinin Goranboy rayonu ərazisindən keçən hissəsində yük qatarı qəzaya uğrayıb. “Report”un məlumatına görə, stansiyanın daxilində manevretmə prosesi yerinə yetirilərkən 3 vaqon relsdən çıxaraq aşıb.

Hadisə ötən gün axşam saatlarında Kürəkçay stansiyasının yaxınlığında baş verib.

Hadisə zamanı vaqonlar yüksüz olduğundan, dağıntı nisbətən az olub. Yalnız dəmir yolu infrastrukturuna qismən ziyan dəyib.

“Azərbaycan Dövlət Dəmir Yolları” Qapalı Səhmdar Cəmiyyətinin (QSC) İnfrastruktur Departamentinin texnikası və işçi qüvvəsi dərhal hadisə yerinə səfərbər edilib.

Həyata keçirilən tədbirlər nəticəsində gecə saatlarında yolda mövcud nasazlıq aradan qaldırılıb. QSC-dən “Report”a bildirilib ki, qəza digər qatarların hərəkətində maneə yaratmayıb. Qəzanın vaqonlarda olan nasazlıqdan qaynaqlandığı güman edilir: “Hazırda istər yük, istərsə də sərnişin qatarlarına hərəkət açıqdır”.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi