Yuxarı
    Bağlamaq

    ​Azərbaycanda vəzifəli şəxs inzibati məsuliyyətə cəlb edilib

    Şöbə müdiri 1000 manat məbləğində cərimələnib

    Bakı. 13 oktyabr. REPORT.AZ/ Azərbaycanda vəzifəli şəxs inzibati məsuliyyətə cəlb edilib. “Report”un xəbərinə görə, Nəsimi Rayon Məhkəməsi Dövlət Sosial Müdafiə Fondunun (DSMF) Nəsimi rayon şöbəsinin müdiri Əsgər Əsgərovu 1000 manat məbləğində cərimələyib.

    O, İnzibati Xətalar Məcəlləsinin (İXM) 313-1.1-ci (məhkəmə və digər orqanların qərarlarının icrası ilə əlaqədar icra məmurunun qanuni tələblərinin yerinə yetirilməməsinə və ya icra məmuru tərəfindən müəyyən olunmuş müddətdə borclunu müəyyən hərəkətləri etməyə və ya müəyyən hərəkətləri etməkdən çəkinməyə məcbur edən icra sənədinin üzrsüz səbəbdən icra edilməməsinə görə) maddəsi ilə cəzalandırılıb.

    Ə.Əsgərov Nəsimi Rayon Məhkəməsinin qərarından apellyasiya şikayəti verib. Şikayətə Bakı Apellyasiya Məhkəməsində baxılacaq.

    Qeyd edək ki, keçmiş prokurorluq işçisi olan Ramiz Cəfərov pensiyasının düzgün hesablanmaması barədə iddia qaldırıb. O, DSMF-nin şöbə müdiri Əsgər Əsgərovu məhkəməyə verib.

    Xatırladaq ki, İnzibati Xətalar Məcəlləsinin 313-1.1-ci maddəsinə əsasən fiziki şəxslər beş yüz manatdan min manatadək miqdarda cərimə edilir və ya işin hallarına görə, pozuntunu törədənin şəxsiyyəti nəzərə alınmaqla bir ayadək müddətə inzibati həbs tətbiq olunur, vəzifəli şəxslər min manatdan üç min manatadək miqdarda, hüquqi şəxslər üç min manatdan beş min manatadək miqdarda cərimə edilir.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi