Yuxarı

Azərbaycanda sələmçiliklə məşğul olan qadının evindən külli miqdarda pul oğurlanıb

Faktla bağlı araşdırmalara başlanılıb

Bakı. 17 may. REPORT.AZ/ Ağstafa rayonunda evdən külli miqdarda pul və qızıl zinət əşyaları oğurlanıb. "Report"un məlumatına görə, hadisə rayonun Poylu qəsəbəsində, 69 yaşlı Səmayə Baxşıyevanın evində baş verib.

Belə ki, iki nəfər maskalı şəxs qadının tək yaşadığından istifadə edərək evə daxil olublar. Ev sahibi S.Baxşıyevaya bıçaqla hədə-qorxu gələrək evdə olan pulların və qızıl əşyaların yerini soruşublar. Daha sonra onun baş nayihəsinə bir neçə zərbə endiriblər. Qadın öldürüləcəyindən qorxaraq özünü huşu itmiş kimi göstərib.

Sonra maskalı şəxslər pul və qızıl-zinət əşyalarını tapmaq üçün evin bütün otaqlarını axtarıblar. Nəticədə evdən 13 min ABŞ dolları, 1 800 manat nəğd pul və 2 000 manatlıq qızıl əşyaları götürüb qaçıblar.

Zərərçəkən hazırda təqaüddə olduğunu lakin sələm yolu ilə pul verdiyini bildirib.

Faktla bağlı Ağstafa Rayon Polis Şöbəsində araşdırmalara başlanılıb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi