Azərbaycanda oğlan qızı diz çökdürüb təhqir etdi

Azərbaycanda gənc qız naməlum oğlan tərəfindən təhqir edilib.

“Report” xəbər verir ki, bu barədə görüntülər sosial şəbəkələrdə paylaşılıb.

Belə ki, videoda gənc oğlanın qızı diz çökdürərək onu təhqir etdiyi görünür. Həmin anları isə oğlan özü telefonla videoya çəkir.

Görüntülərdə gənc oğlanın qızı əxlaqsızlıqda ittiham etdiyi əks olunub.

Məlumata görə, hadisədən sonra həmin şəxs videonu sosial şəbəkələrdə paylaşıb.

Faktla bağlı hüquq-mühafizə orqanları araşdırma aparır.