Yuxarı
    Bağlamaq

    ​Azərbaycanda işlədiyi şirkətin 271 min manatını mənimsəyən menecerə hökm oxunub

    O, 9 il müddətinə azadlıqdan məhrum edilib

    Bakı. 24 noyabr. REPORT.AZ/ Bu gün Bakı Ağır Cinayətlər Məhkəməsində mənimsəmədə təqsirləndirilən Əlizamin Cəfərovun cinayət işi üzrə məhkəməsi başa çatıb.

    "Report"un məlumatına görə, hakim Zeynal Ağayevin sədrliyi ilə keçirilən prosesdə dövlət ittihamçısı çıxış edib.

    Prokuror təqsirləndirilən şəxsin 10 il müddətinə azadlıqdan məhrum edilməsini istəyib.

    Daha sonra məhkəmə Ə.Cəfərova sön söz verib. O, özünü mənimsəmədə təqsirli bilməyib: "Mən Fəxrəddin Sultanovun hiyləgərliyinin qurbanı olmuşam. İlkin istintaq zamanı üzləşmə düzgün aparılmadı. Özümü mənimsəmədə təqsirkar hesab etmirəm. Məhkəmə heyətindən mənə bəraət verilməsini xahiş edirəm".

    Məhkəmə heyəti müşavirə otağına yollanıb. Müşavirə otağından qayıdan hakimlər hökm oxuyub. Məhkəmənin hökmü ilə Ə.Cəfərov 9 il müddətinə azadlıqdan məhrum edilib.

    Qeyd edək ki, Ə.Cəfərov 2009-cu ildən "Araz" Açıq Səhmdar Cəmiyyətinin (ASC) satış meneceri vəzifəsində çalışıb. O, şirkətin 271 402 manat dəyərində malını mağazalara sataraq, pulunu mənimsəkdə günahlandırılır. Ə.Cəfərov Cinayət Məcəlləsinin 179.3.2-ci (mənimsəmə və ya israf etmə, külli miqdarda törədildikdə) maddəsi ilə ittiham edilib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi