Azərbaycanda iki nəfər elektrik cərəyanı vurması nəticəsində ölüb

Bakı. 4 noyabr. REPORT.AZ/ Azərbaycanda iki nəfər elektrik cərəyanı vurması nəticəsində ölüb. “Report”un xəbərinə görə, bu barədə Daxili İşlər Nazirliyinin (DİN) rəsmi saytı məlumat yayıb.

Belə ki, Beyləqan rayonunun Birinci Aşıqlı kəndində yaşayan Ramal Əliyev və Lerik rayonunun Cənginəvud kəndində yaşayan Elmir Səfərov elektrik cərəyanı vurması nəticəsində ölüb.

Hər iki faktla bağlı araşdırma aparılır.