Yuxarı
    Bağlamaq

    Azərbaycanda gömrük nəzarətinə bəyan olunmayan güclü təsiredici maddə və narkotik vasitə aşkar edilib

    Faktla bağlı araşdırma aparılır

    Bakı. 6 iyun. REPORT.AZ/ Dövlət Gömrük Komitəsi (DGK) Biləsuvar Gömrük İdarəsinin "Qoşa Təpə" gömrük postunda İrandan Azərbaycana piyada gələn ölkə vətəndaşının təqdim etdiyi əl yüklərinə baxış keçirilib.

    “Report” DGK-ya istinadən xəbər verir ki, baxış zamanı əl yüklərinə daxil çantanın içərisində, gömrük nəzarətinə bəyan olunmayan, hər birində 10 həb olmaqla 10 konvalyut - üzərində "T-Doll Tramadol Hydrochloride BP 200 mg Tablets" sözləri yazılmış tramadol adlı dərman preparatı, həmçinin üzərində "baklofen 50 tabletok..." sözləri olan 1 ədəd dərman qutusunda, bir qəbildən olan malları digər şəklə salaraq gömrük nəzarətindən gizlədilmiş, yəni təqdim olunan qutunun üzərində "baklofen 50 tabletok..." göstəricisi olduğu halda 10 ədəd tramadol adlı həb aşkar edilib. Bundan başqa, çantanın astarının altından isə 20 ədəd metadon adlı həb aşkara çıxarılıb.

    Aşkar olunan 100 ədəd həbdə tramadolun təsir maddəsinin ümumi miqdarı 20 qram, 10 ədəd həbdə tramadolun təsir maddəsinin ümumi miqdarı 1,5 qram, 20 ədəd həbdə metadonun təsiredici maddəsinin ümumi miqdarı 0,8 qram təşkil edir.

    Xatırladaq ki, tramadol "Güclü təsir edən maddələr və onların külli miqdarının Siyahısı"na, metadon isə "Azərbaycan Respublikasının ərazisində dövriyyəsi məhdudlaşdırılan narkotik vasitələr"in II Siyahısına daxildir.

    Faktla bağlı araşdırma aparılır.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi