Yuxarı

Azərbaycanda gömrük nəzarətindən gizlədilən zəli aşkar edilib

Azərbaycanda gömrük nəzarətindən gizlədilən zəli aşkar edilib
Faktla bağlı araşdırma aparılır

Bakı. 7 fevral. REPORT. AZ/ Dövlət Gömrük Komitəsi (DGK) Astara Gömrük İdarəsində İran vətəndaşı Zahedi Qulamrza Əbülfəzl oğlunun idarə etdiyi sərnişin avtobusuna gömrük baxışı keçirilib. 

Bu barədə “Report”a DGK-nın mətbuat xidmətindən məlumat verilib.

Yoxlama zamanı avtobusun yük yerində olan yataq dəstinin arasındakı qara rəngli əl çantasının və avtobusun arxa hissəsində, mühərrikin yan tərəfində 2 ədəd plastik materialdan olan vedrənin içərisində gömrük nəzarətindən gizlədilən 31 ədəd parça torbada «Hirudo medicinolis» növ zəlilər aşkar edilərək götürülüb.

Ədliyyə Nazirliyi Məhkəmə Ekspertizası Mərkəzinin ekspert arayışına əsasən «Hirudo medicinolis» növ zəlilərin ümumi sayının 29000 ədəd olduğu müəyyən edilib.

Aşkar edilən zəlilər saxlanılması üçün Azərbaycan Milli Elmlər Akademiyasının Zoologiya İnstitutuna təhvil verilib və Azərbaycan Milli Elmlər Akademiyasının Zoologiya İnstitutu, Ekologiya və Təbii Sərvətlər Nazirliyi ilə birlikdə həmin zəlilərin bioloji mühafizəsi təmin edilib. Münasib şərait yaradıldıqdan sonra, qeyd edilən zəlilər Kütləvi İnformasiya Vasitələri nümayəndələrinin iştirakı ilə təbiətə qaytarılacaq.

Faktla bağlı araşdırma aparılır.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi