Yuxarı

Azərbaycanda 42 yaşlı kişi özünü atasının qəbri üstündə güllələyib

Faktla bağlı Ağdaş Rayon Prokurorluğunda araşdırma aparılır

Bakı. 18 mart. REPORT.AZ/ Ağdaş rayonunda intihar hadisəsi baş verib. "Report"un xəbərinə görə, rayonun Cüvə kənd sakini 1974-cü il Teymur Soltan oğlu Muradov axşam saatlarında evdən çıxıb, lakin geri qayıtmayıb. 

Ailə üzvləri T. Muradovun geri qayıtmadığını görərək, onu kənd ərazisində axtarıblar. Daha sonra rayon hüquq-mühafizə orqanlarına məlumat verilib. 

Axtarışlar zamanı onun meyiti atasının qəbri üstündə tapılıb. 

İlkin məlumata görə, T.Muradov özünə məxsus təklüləli ov tüfəngi ilə atəş açaraq özünü öldürüb.

Faktla bağlı Ağdaş Rayon Prokurorluğunda araşdırma aparılır.

T.Muradov ailəlidir, iki övladı var.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi