Yuxarı
    Bağlamaq

    Azərbaycanda 28 yaşlı qadın evdən qaçıb - FOTO

    Hazırda onun dörd yaşında oğlan övladı var

    Bakı. 29 fevral. REPORT.AZ/ Qaxda 28 yaşlı gəlin bir həftədir evdən çıxıb və geri qayıtmayıb. Bu barədə “Report”a Qax rayonu, Ləkit-Malax kənd sakini, evdən qaçan gəlinin anası Ayşə Məmmədova bu barədə məlumat verib. 

    Onun sözlərinə görə, Qax rayonunun Çinarlı kəndində yaşayan və hazırda ailəli olan 1988-ci il təvəllüdlü Aygün Məhəmməd qızı Şahmuradova bir həftə öncə qayınatasına onu Qax şəhərində yaşayan bibisigilə aparmağı xahiş edib: "Qayınatası onu şəhərə gətirsə də, ancaq Aygün Şahmuradova naməlum istiqamətə gedib. Qızım 2010-cu ildə rayonun Çinarlı kənd sakini ilə ailə həyatı qurub. Hazırda onun dörd yaşında oğlan övladı var. Ailədə ailədaxili xırda mübahisələrdən başqa böyük bir problem olmayıb. Evdən gedərkən mobil telefonu üzərində olub, lakin həmin gündən telefon söndürülüb. A.Şahmuradova həyat yoldaşına bir dəfə gizli nömrədən zəng edərək artıq evə gəlməyəcəyini bildirib". 

    Artıq bu barədə Qax Rayon Polis Şöbəsinə ərizəylə müraciət edilib: "Qızımın evinə qayıtmasını, azyaşlı övladını anasız qoymamasını istəyirəm".

    Aygün Şahmuradova evdən gedərkən əynində sarı gödəkcə, zolaqlı şalvar, boynunda ağ şərf və ayağında qara ayaqqabı olub. Ailəsi onu görənlərdən aşağıdakı nömrələrlə əlaqə saxlamalarını istəyir.

    02425 63 3 10

    055 543 59 63

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi