Bakı. 14 dekabr. REPORT.AZ/ Masallı rayonunda 1 yaşlı körpə ikinci mərtəbədən yerə yıxılaraq ağır xəsarət alıb.
"Report"un xəbərinə görə, 2015-ci il təvəllüdlü Məmmədov Məhəmməd Araz oğlu ikimərtəbəli fərdi yaşayış evinin ikinci mərtbəsinin pəncərəsindən yerə yıxılıb.
Nəticədə 1 yaşlı körpə ağır xəsarət alıb. O, Bakıdakı 1 saylı Şəhər Klinik Xəstəxanasına yerləşdirilib.
Faktla bağlı Masallı Rayon Polis Şöbəsində araşdırma aparılır.