Azərbaycan gömrükçüləri pirotexniki vasitələr aşkar edib

Bakı. 3 mart. REPORT.AZ/ Dövlət Gömrük Komitəsi (DGK) Tovuz Gömrük İdarəsinin Gömrük hüquqpozmalarına qarşı mübarizə şöbəsinə daxil olmuş məlumat əsasında idarənin "Sınıq Körpü" gömrük postunda Gürcüstandan Azərbaycana gələn ölkə vətəndaşının idarə etdiyi "Vaz 21120" markalı nəqliyyat vasitəsinə gömrük nəzarəti həyata keçirilib.

“Report” Komitəyə istinadən xəbər verir ki, gömrük yoxlaması zamanı nəqliyyat vasitəsinin qabaq və arxa buferlərində gizlədilən 450 qutu pirotexniki vasitə aşkarlanıb.

Faktla bağlı araşdırma aparılır.