Yuxarı

“Azərbaycan Dəmir Yolları”nın vəzifəli əməkdaşına qarşı 90 min manatlıq dələduzluq edilib

“Azərbaycan Dəmir Yolları”nın vəzifəli əməkdaşına qarşı 90 min manatlıq dələduzluq edilib
Faktla bağlı hüquq-mühafizə orqanları araşdırma aparır

Bakı. 3 noyabr. REPORT.AZ/ Bakıda vəzifəli şəxsə qarşı külli məbləğdə dələduzluq edilib.

“Report”un xəbərinə görə, Hüsaməddin Məlikov adlı şəxs hüquq-mühafizə orqanlarına müraciət edərək bildirib ki, 2009-cu ilin aprel ayında Bakı şəhər sakinləri Yaşar və Əlisafa adlı şəxslər onu aldadaraq 90 000 manat alıblar. O, şikayət ərizəsində ötən 7 il müddətində pulunu ala bilmədiyini vurğulayıb.

Faktla bağlı hüquq-mühafizə orqanları araşdırma aparır.

H.Məlikov “Azərbaycan Dəmir Yolları” QSC-nin Yük və kommersiya şöbəsində yüksək vəzifə tutur.

QSC-nin mətbuat katibi Nadir Əzməmmədov “Report”a açıqlamasında H.Məlikovun bu qurumda işlədiyini təsdiqləyib. Lakin o, QSC-nin vəzifəli şəxsinə qarşı dələduzluq edilməsindən xəbərsiz olduğunu bildirib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi