Yuxarı

“Azərbaycan Beynəlxalq Bankı” şirkəti məhkəməyə verib

“Azərbaycan Beynəlxalq Bankı” şirkəti məhkəməyə verib
Birinci instansiya məhkəməsinin çıxardığı qətnamə dəyişdirilmədən saxlanıb

Bakı. 20 iyun. REPORT.AZ/ “Azərbaycan Beynəlxalq Bankı” ASC “ADO-G İnşaat, Təchizat və Quraşdırma” MMC-ni məhkəməyə verib.

“Report”un məlumatına görə,2 saylı Bakı İnzibati-İqtisadi Məhkəməsinə müraciət edən bank kredit borcunun tutulması barədə tələb irəli sürüb.

MMC isə məhkəmədə qarşılıqlı iddia qaldıraraq kredit müqaviləsinin şərtlərinin dəyişdirilməsi, ödənilmiş faizlərin əsas borca silinməsi, faizlərin ödənilməsinə möhlət verilməsi və əldən çıxmış faydanın ödənilməsini istəyiblər.

Məhkəmə ilkin iddianı qismən təmin edib, qarşılıqlı iddia isə rədd olunub. Qərardan narazı qalan “ADO-G İnşaat, Təchizat və Quraşdırma” MMC apellyasiya şikayəti verib.

Bakı Apellyasiya Məhkəməsi birinci instansiya məhkəməsinin çıxardığı qətnaməni dəyişdirmədən saxlayıb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi