Yuxarı

Avtomobil yoldan çıxaraq maneəyə çırpılıb: 1 ölü, 1 yaralı

Faktla bağlı araşdırma aparılır

Bakı. 30 iyul. REPORT.AZ/ Ağdam rayonunda ölümlə nəticələnən yol qəzası baş verib. "Report" xəbər verir ki, Qabil Əhmədov adlı sürücü yüksək sürətlə idarə etdiyi "Opel" markalı avtomobillə qəza törədib.

Belə ki, idarəetməni itirən sürücünün avtomobili yoldan çıxaraq maneəyə çırpılıb. Nəticədə sürücü Q.Əhmədov və sərnişini ağır bədən xəsarətləri alıb.

Yaralılar Ağdam rayon Mərkəzi Xəstəxanasına çatdırılıb. Həkimlərin səylərinə baxmayaraq sürücünün həyatını xilas etmək mümkün olmayıb. Digər yaralının vəziyyəti isə orta-ağır kimi qiymətləndirilir.

Faktla bağlı araşdırma aparılır.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi