Yuxarı

Astarada sərnişin mikroavtobusu zəncirvari qəzaya düşüb, ölən və xəsarət alanlar var - FOTO

Astarada sərnişin mikroavtobusu zəncirvari qəzaya düşüb, ölən və xəsarət alanlar var - FOTO

292

Hadisə zamanı 1 nəfər ölüb, 5 nəfər xəsarət alıb
© "Report"

Astara. 12 noyabr. REPORT.AZ/ Astara rayonunda 1 nəfərin ölümü, daha 5 nəfərin xəsarət alması ilə nəticələnən zəncirvari yol-nəqliyyat hadisəsi baş verib.

"Report"un Cənub bürosu xəbər verir ki, hadisə Ərcivan qəsəbəsində, yeni istifadəyə verilmiş körpüdə qeydə alınıb.

Belə ki, "VAZ-2107" markalı minik maşınının, Lənkəran-Astara marşrutu ilə hərəkət edən "Ford" sərnişin mikroavtobusunun və yük avtomobilinin toqquşması nəticəsində 1976-cı il təvəllüdlü Lənkəran sayon sakini Rzayev Elgün Vaqif oğlu ölüb. Hadisə zamanı daha 5 nəfər - 1961-ci il təvəllüdlü Ərcivan qəsəbəsi sakini Rəhimova Həlimova Fəttah qızı, 1996-cı il təvəllüdlü Astara rayon sakini İsayev Elməddin Rizvan oğlu, 1983-cü il təvəllüdlü Lənkəran rayon sakini Həsənov Azər Qəhrəman oğlu, 1987-ci il təvəllüdlü Astara rayon sakini Hacıyev Səadət Məzahir oğlu xəsarət alıb. Daha bir yaralının şəxsiyyəti dəqiqləşdirilir.

Yaralıların 4-ü Astara Rayon Mərkəzi Xəstəxanasının Cərrahiyyə şöbəsinə yerləşdirilib.

Faktla bağlı araşdırma aparılır.  

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi