Astarada yol kənarında vurulan qadın xəstəxanada ölüb - FOTO - ƏLAVƏ OLUNUB

İlk xəbər saat 18:26-da verilib 

Astara. 25 noyabr. REPORT.AZ/ Astara rayonunda 52 yaşlı qadını maşın vurub. 

"Report"un Cənub bürosunun verdiyi məlumata görə, hadisə rayonun Böyük Şahağacı kəndinin ərazisində qeydə alınıb. 

Belə ki, yol kənarında küçə ticarəti ilə məşğul olan Təliqəni Mehdi qızı Quliyevanı avtomobil vurub, sürücü hadisə yerindən qaçıb. Yaralı Lənkəran Rayon Mərkəzi Xəstəxanasının Reanimasiya şöbəsinə yerləşdirilib. Ancaq həkimlərin səylərinə baxmayaraq, onun həyatını xilas etmək mümkün olmayıb. 

Sürücünün tapılması istiqamətində əməliyyat-axtarış tədbirləri aparılır.