Astara və Quba rayonlarında bıçaqlanma hadisəsi baş verib

Bakı. 10 dekabr. REPORT.AZ/ Astara və Quba rayonlarında bıçaqlanma hadisəsi baş verib. "Report" Daxili İşlər Nazirliyinin (DİN) rəsmi saytına istinadən xəbər verir ki, Astara Rayon Polis Şöbəsi (RPŞ) əməkdaşlarının həyata keçirdikləri əməliyyat-axtarış tədbirləri nəticəsində dekabrın 8-də Ehtiram Hüseynova bıçaqla xəsarət yetirməklə sağlamlığına ağır zərər vuran Əfsəl İsayev tutulub. 

Quba RPŞ əməkdaşlarının həyata keçirdikləri əməliyyat-axtarış tədbirləri nəticəsində isə Fərid Ağayevə bıçaqla xəsarət yetirməklə sağlamlığına ağır zərər vuran şəhər sakini Fuad Şıxəliyev saxlanılıb.

Hər iki faktla bağlı cinayət işləri başlanılıb, istintaq gedir.