Astara rayon sakini bıçaqlanıb - YENİLƏNİB

Astara. 30 noyabr. REPORT.AZ/ Astara rayon sakini Tural Tarverdiyevi bıçaqlamaqda şübhəli bilinən şəxs polis əməkdaşları tərəfindən saxlanılıb. 

"Report"un yerli bürosu xəbər verir ki, İmişli rayon sakini Elvin Həmzəyev polis keçirdiyi əməliyyat axtarış tədbirləri zaman şübhəli şəxs qismində saxlanılılb. Məlum olub ki, E.Həmzəyevlə T.Tarverdiyev arasında əvvəlcə mübahisə olub və daha sonra sonuncu bıçaqlanıb. 

Faktla bağlı araşdırmalara başlanılıb.

*** 16:55

Astara. 29 noyabr. REPORT.AZ/ Astara rayon sakini bıçaqlanıb

"Report"un Cənub bürosu xəbər verir ki, rayon sakini, Tural Tarverdiyev naməlum şəxs tərəfindən mübahisə zəmnində bıçaqlanıb. 

Hadisə zamanı ağır bədən xəsarətləri alan yaralı ətrafdakıların köməkliyi ilə xəstəxanaya çatdırılıb.

Hadisə yerinə hüquq-mühafizə orqanlarının əməkdaşları tərəfindən baxış keçirilib. Lakin hadisənin kim tərəfindən törədilməsi barədə hələlik məlumat yoxdur. 

Faktla bağlı araşdırmalar davam etdirilir.