Yuxarı

Arvadını öldürdükdən sonra intihara cəhd edən Gəncə sakininin məhkəməsi başlayır

​Arvadını öldürdükdən intihara cəhd edən Gəncə sakininin məhkəməsi

Gəncədə arvadını öldürməkdə təqsirləndirilən Eldar Abbasovun cinayət işi üzrə ibtidai istintaq başa çatıb.

"Report"un xəbərinə görə, cinayət işi baxılması üçün Gəncə Ağır Cinayətlər Məhkəməsinə göndərilib.

Hakim Faiq Mahmudovun icratına verilən iş üzrə hazırlıq iclası yaxın günlərdə keçirləcək.

Qeyd edək ki, hadisə bu ilin aprel ayının 3-də baş verib. Gəncə şəhəri, Məhsəti qəsəbəsində 1961-ci il təvəllüdlü Eldar İsmayıl oğlu Abbasov idarə etdiyi VAZ markalı avtomobilli həyat yoldaşı, 1968-ci il təvəllüdlü Sevinc Əmir qızı Abbasovanın üzərinə sürərək onu bir neçə dəfə divara çırpıb. Ağır bədən xəsarəti alan qadın xəstəxanaya yerləşdirilsə də, 19 gün sonra dünyasını dəyişib.

Hadisəni törədən E.Abbasov isə sirkə turşusu içərək intihara cəhd edib. O, xəstəxanaya yerləşdirilib və sağaldıqdan sonra məsuliyyətə cəlb edilib.

Ona Cinayət Məcəlləsinin 120.1-ci (qəsdən adamöldürmə) maddəsi ilə ittiham verilib. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi