Saatlı. 8 iyul. REPORT.AZ/ Araz çayının Saatlı rayonunun Nərimankənd kəndi ərazisindən keçən hissəsində batan şəxsin meyiti tapılıb.
"Report"un Aran bürosunun məlumatına görə, bu, 1997-ci il təvəllüdlü, Allahyarov Gülmusa Şahin oğludur.
Onun cəsədi xilasedicilər tərəfindən sudan çıxarılıb və aidiyyəti üzrə təhvil verilib.
***18:20
Saatlı. 8 iyul. REPORT.AZ/ Araz çayının Saatlı rayonu, Nərimankənd kəndindən keçən hissəsində 1 nəfər batıb.
"Report" Aran bürosu xəbər verir ki, hadisə yerinə Fövqəladə Hallar Nazirliyinin Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-xilasediciləri hadisə yerinə cəlb olunub və batan şəxsin axtarışına başlanılıb.
Hadisə ilə bağlı əlavə məlumat veriləcək.