Yuxarı

Abşeronda MMC-yə məxsus anbardan oğurluq edən şəxslər tutulub

Oğurluq edənlər orada fəhlə işləyiblər

Bakı. 7 dekabr. REPORT.AZ/ Abşeronda “İmpuls-AR” MMC-yə məxsus anbardan oğurluq edən şəxslər tutulub.

"Report" Daxili İşlər Nazirliyinin (DİN) saytına istinadən xəbər verir ki, Abşeron Rayon Polis İdarəsi əməkdaşlarının həyata keçirdikləri əməliyyat-axtarış tədbirləri nəticəsində oktyabrın 6-da Pirəkəşkül qəsəbəsində “İmpuls-AR” MMC-yə məxsus anbardan 1200 manat dəyərində tikinti materialları oğurlayan şəxslər tutulub. 

Məlum olub ki, oğurluğu orada fəhlə işləyənlər Cəsarət İlyasov və Qalib Quliyev törədib. Onlar oğurladıqları materialları Pirəkəşkül qəsəbə sakini Azər İsayevin idarə etdiyi “VAZ-21074” markalı avtomobilə yükləməklə MMC-nin ərazisindən çıxarıblar. Faktla bağlı araşdırma aparılır.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi