Yuxarı
    Bağlamaq

    Ağsuda 39 yaşlı qadın intihara cəhd edib

    Xəstəxanadan bildiriblər ki, hazırda onun vəziyyəti qənaətbəxşdir

    Ağsu. 17 iyun. REPORT.AZ/ Ağsu rayonunda ailə üzvlərindən biri ilə mübahisə edən qadın dərman içərək özünü öldürmək istəyib.

    "Report"un Şirvan bürosunun xəbərinə görə, hadisə ötən gün axşam saatlarında baş verib. 

    Rayonun Qarabaşlı kənd sakini 1978-ci il təvəllüdlü Elnarə Mirzə qızı Abdullayeva dərman preparatları qəbul edərək həyatına qəsd etmək istəyib. Ailə üzvləri E.Abdullayevanın vəziyyətinin ağır olduğunu görərək dərhal əraziyə təcili yardım briqadası çağırıb. Xəstə ilkin tibbi yardım maşını vasitəsi ilə Ağsu Rayon Mərkəzi Xəstəxanasına (RMX) çatdırılıb. 

    Xəstəxanadan "Report"a bildiriblər ki, Reanimasiya şöbəsinə yerləşdirilən xəstəyə lazımi yardım göstərilib, hazırda vəziyyəti qənaətbəxşdir.

    Faktla bağlı araşdırma aparılır. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi