Ağstafada qəzada xəsarət alan şəxs Bakıya gətirilib

Ağstafa rayonunun Dağ Kəsəmən kəndi ərazisində baş verən yol qəzası zamanı xəsarət alan Yusifov Yusif Yasin oğlu yerləşdirildiyi rayon xəstəxanasından Bakıya göndərilib.

"Report" xəbər verir ki, yaralı 1 saylı Şəhər Kliniki Xəstəxanasına yerləşdirilib. Ona, kəllə sümyünün sınığı diaqnozu qoyulub.

Qeyd edək ki, 7 sentyabr tarixində Ağstafa rayonunun Dağ Kəsəmən kəndi ərazisində avtomobil idarəetmədən çıxaraq aşıb. Qəza nəticəsində sürücü Yusifov Yusif Yasin oğlu xəsarət alıb.

Ramin Şahbazov