Ağstafada gənc qız intihara cəhd edib

Ağstafa. 20 iyun. REPORT.AZ/ Ağstafa rayonunda gənc qız intihara cəhd edib.

"Report"un Qərb bürosunun məlumatına görə, hadisə rayonun Saloğlu qəsəbəsində qeydə alınıb.

Hadisə şahidlərinin sözlərinə görə, evdə yığıncaq keçirilirmiş. Bu zaman nənə nəvəsinin gözə dəymədiyini görüb. Onu nə qədər səsləsələr də, heç bir cavab ala bilməyiblər. Axtarışlara başlayanda L.M.-i (ad şərtidir) bağda ağacdan asılmış vəziyyətdə tapıblar. Onlar dərhal kəndiri kəsərək onu aşağı salıblar və xəstəxanaya aparıblar. Gənc qızın vəziyyəti ağır olaraq qiymətləndirilir.

Faktla bağlı araşdırma aparılır.