Yuxarı
    Bağlamaq

    Ağstafada DYP reyd keçirib, 60-dan çox sürücü cərimələnib - FOTO

    Reyd zamanı 10 avtomobil cərimə meydançasına aparılıb© Report.az

    Ağstafa. 12 may. REPORT.AZ/ Ağstafa rayounda Dövlət Yol Polisi (DYP) əməkdaşları reyd keçirib.

    "Report"un Qərb bürosunun məlumatına görə, reyd zamanı 60-dan çox sürücü cərimələnib. Reyd zamanı DYP əməkdaşları əsasən Qazax, Gəncə, Mingəçevir şəhərlərinə sərnişindaşıma həyata keçirən mikroavtobus sürücülərini, və digər avtomobil sahiblərini yoxlayıb. Məlum olub ki, əksər sürücülər qaydaları pozaraq ayaq üstə sərnişin daşıyır. Bundan başqa sənədsiz, nasaz avtomobil idarə edən sürücülər də aşkarlanıb. 

    Baş verə bilən yol qəzalarının qarşısını almaq üçün keçirilən yoxlama tədbirləri zamanı cərimə edilən sürücülər qayda pozmağa onları sərnişinlər məcbur etdiklərini bildiriblər. Onların sözlərinə görə, mikroavtobusun oturacaqları boş olmadıqda belə sərnişinlər ayaqüstə gedəcəklərini bildirirlər. 

    Qeyd edək ki, reyd zamanı 10 avtomobil cərimə meydançasına aparılıb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi