Ağstafada avtomobillər toqquşub, xəsarət alanlar var

Ağstafa rayon Köçəsgər kəndində 2 minik avtomobilinin toqquşması nəticəsində 2 nəfər xəsarət alıb.

"Report"un Qərb bürosunun məlumatına görə, xəsarət alan Ağstafa rayon sakinləri - 2012-ci il təvəllüdlü A.Mürsəlov və onun qardaşı, 2013-cü il təvəllüdlü R.Mürsəlov yaxınları tərəfindən Ağstafa Mərkəzi Rayon Xəstəxanasına çatdırılıb.

Onların vəziyyəti kafi və qənaətbəxş qiymətləndirilir.

Faktla bağlı araşdırma aparılır.