Ağstafada 17 yaşlı oğlan bıçaqlanıb

Ağstafa rayonunda bıçaqlanma hadisəsi qeydə alınıb.

"Report"un Qərb Mərkəzinin məlumatına görə, hadisə rayonun Xılxına kəndində qeydə alınıb.

Belə ki, 2005-cı il təvəllüdlü A.Məmmədov 17 yaşlı F.Qasımova bir neçə bıçaq zərbəsi vurub. Daha sonra F.Qasımov xəstəxanaya yerləşdirilib.

Onun vəziyyətinin orta-ağır olduğu bildirilir.

Hadisə şəxsi münasibətlər zəmnində baş verib.

A.Məmmədov şübhəli şəxs qismində saxlanılıb.

Faktla bağlı araşdırmalara başlanılıb.