Yuxarı
    Bağlamaq

    Ağdaşda yol qəzası baş verib, xəsarət alanlar var

    Faktla bağlı araşdırma aparılır

    Ağdaş. 30 may. REPORT.AZ/ Ağdaş rayonunda yol-nəqliyyat hadisəsi baş verib. 

    "Report"un Şirvan bürosunun verdiyi məlumata görə, qəza rayonun Qaroğlan və Abad kəndləri arasındakı sərt döngədə qeydə alınıb.

    Belə ki, Ləki-Qaroğlan istiqamətində hərəkətdə olan 61 BA 801 dövlət qeydiyyat nişanlı "VAZ-2103” markalı avtomobilin sürücüsü Abad-Qaroğlan kəndləri arasındakı sərt döngədə idarəetməni itirərək nəqliyyat vasitəsini yol kənarındakı çökəkliyə aşırıb. Nəticədə avtomobilin sürücüsü və sərnişinləri müxtəlif dərəcəli bədən xəsarətləri alıblar.

    Avtomobilin Zərdab rayonuna doğru hərəkət və içərisindəkilərin də həmin rayonun sakinləri olduğu bildirilir. 

    Faktla bağlı Ağdaş Rayon Polis Şöbəsində araşdırma aparılır.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi