Ağdaş. 28 yanvar. REPORT.AZ/ Ağdaşda yük maşınının aşması nəticəsində 1 nəfər xəsarət alıb.
"Report"un yerli bürosunun məlumatına görə, 1990-cı il təvəllüdlü Tovuz rayon sakini Ələkbərli Ələkbər Faiq oğlunun idarə etdiyi "Qazel" markalı maşının hərəkətdə olan zaman anidən təkəri partlayıb və o, yol kənarına aşıb.
Nəticədə sürücü müxtəlif dərəcəli bədən xəsarətləri alıb.
Qəza Bakı-Qazax yolunun 283-cü km-də baş verib.
Faktla bağlı Baş Dövlət Yol Polisi İdarəsinin əməkdaşları tərəfindən araşdırma aparılır.