Ağdaş Mərkəzi Xəstəxanasında it dişləyən sakinə quduzluq əleyhinə vaksin vurulmayıb

Ağdaş. 4 mart. REPORT.AZ/ Ağdaş Rayon Mərkəzi Xəstəxanasında (RMX) it dişləyən sakinə quduzluq əleyhinə vaksin vurulmayıb.

"Report"un Şirvan bürosu xəbər verir ki, rayonun Abad kənd sakinini it dişləyib. Yaralı Ağdaş RMX-ya çatdırılıb. Ona xəstəxanada quduzluq əleyhinə vaksinin olmadığı bildirilib və xəstə geri qaytarılıb. Yaralı şəxsi vəsaiti ilə aptekdən vaksin aldıqdan sonra ona vaksin vurulacağı bildirilib. Xəstənin buna imkanı olmadığı üçün geri qayıdıb.