Ağdamda evdən pul və qızıl-zinət əşyaları oğurlayan şəxs saxlanılıb - FOTO

Ağdam. 2 sentyabr. REPORT.AZ/ Ağdamda evdən oğurluq edən şəxs tutulub.

"Report"un Qarabağ bürosu xəbər verir ki, Ağdam Rayon Polis Şöbəsinin əməkdaşlarının keçirdiyi əməliyyat-axtarış tədbirləri nəticəsində rayon sakini Məhərrəmova Şəkər İsa qızına məxsus evdən 140 manat pul və qızıl-zinət əşyaları oğurlayan Zeynalov Hüseyn Mübariz oğlu saxlanılıb.

H.Zeynalov istintaqa ifadəsində törətdiyi əməli etiraf edib.

Faktla bağlı Ağdam Rayon Polis Şöbəsində araşdırma aparılır.